6 X mas fuerte contra cancer

1. No Huma
Investigadornan a calcula cu por preveni un di tres parti di cancer si hende no huma mas. Den tal caso no ta trata solamente di cancer di pulmon , sino tambe , por ehelmpel, di leucemia mieloido agudo , cancer di esofago (corocoro) , di stoma y di garganta di matris. E miho pa stop ta pa bo propio salud. Pero tin , naturalmente , mas motibo pa stop. Pa stop ta dificil , pero bo por stop. Mescos cu bo siña huma – poco hende ta haya e prome cigaria dushi mesora – asina bo por siña stop di huma. Cada aña 100.000 hende ta lorga.

2. Gosa di solo cu cuidao
Rayonan di solo ta bon pa hende. Pero aki ta conta cu moderacion. Pa motibo di demasiado rayonan solar, bo cuero por kima y esei ta ocasiona un riesgo mas grandi pa haya cancer di cuero. Kiermen , sea conciente ki ora y con largo bo por bai den solo. Proteha bo mes cu paña,uza e factor di proteccion solar corecto y entre 12or y 3or di atardi, miho bo busca sombra.

3. Haci suficiente ehercicio
Hacimento di ehercicio tin un efecto di proteccion contra surgimento di dos sorto di cancer hopi conoci na Aruba : cancer di pecho y cancer di colon (tripa diki). Posibelmente e ta proteha tambe contra otro sorto di cancer. Esei ta bao di investigacion ainda. Haci suficiente ehercicio no ta nifica cu bo mester haci sport. Ta suficiente si tur dia bo ta fisicamente activo pa minimo mei ora. Dal un cana of un careda riba bicicleta: traha den cura; uza mas tanto trapi en bes di lift : tur esei ta bon pa bo salud. (Paga tino : si bo kier baha peso y/of drecha bo condicion , bo mester haci mas ehercicio y mas intensivo)

4. Come saludabel
No tin bida saludabel sin cuminda saludabel. Tur hende cu come 200 gram di berdura y 2 fruta pa dia tin menos riesgo di haya cencer den region di garganta y cabes , esfago y stoma. Come saludabel kiermen come varia. No ta existi alimento saludabel of insaludabel. Si bo varia bo seleccion di producto mas posibel , bo ta ingeri nutriente cu bo mester En realidad ta trata di 200 gram di berdura (3 – 4 cucharon) y 2 fruta tur dia y uzo modera di vet y di producto yen di caloria.

5. Paga tino cu bo peso 
Si bo come saludabel y haci suficiente ehercicio , e chens ta mas grandi pa bo tin un peso saludabel. Y un peso saludabel ta trece cu ne menos riesgo pa haya algun sorto di cancer, manera cancer di tripa , di matris y esofago. Paga bon tino cu bo custumber diario di come y di haci ehercicio, pa di e forma ei mantene bo peso bao di control.

6. Bebe alcohol cu moderacion
Alcohol, si, pero aki tambe ta conta : cu moderacion. Y no hopi biaha ni hopi cada biaha. Uzo excesivo di alcohol ta causa un riesgo mas grandi pa haya diferente sorot di cancer : por ehempel, cancer di garganta y cabes , cancer di pecho y cancer di tripa. Ora bo bebe alcohol cu moderacion e riesgo ei caso no ta existi mes.Uzo modera di alcohol ta nifica : maximo 3 glas pa dia pa homber , maximo 2 glas pa dia pa muhe y no bebe tur dia.

Posted in: Uncategorized