Cancer di Prostaat un combersacion

CANCER DI PROSTAAT

Un  combersacion directo cu e homber di rasa color scur y nan famia

Introduccion:

Ningun homber ta invisibel

Un baño di awa friu mi a haya ora mi a tende : “Bo tin cancer di prostaat.”
Con por ta? Mi ta mucho jong y fisicamente bon. Danki na insistencia di mi casa, Mahin, mi pa haci un diagnose sigui pa informacion y tuma un decision crucial pa salba mi bida.
Henter mi bida mi a presenta riba stage rond mundo.
Awo ta tempo pa informa boso: “Yuda bo mes y otronan!”
Hopi homber ta muri di cancer di prostaat. Uni na e lucha pa haci e diferencia. Papia di dje!

Paz y salud,

“Uncle” Charlie Wilson

Cancer di prostaat

Cada aña mas hende homber ta wordo diagnostica cu cancer di prostaat. Cancer di prostaat ta e di
dos forma di cancer cu ta prevalece den hende homber despues di melanoma.
Un homber cu no ta huma hopi biaha ta desaroya cancer di prostaat mas lihe cu e lo desaroya
cancer di tripa, galblaas, linfoma y cancer di nier combina.

Hende homber di rasa color scur hopi biaha ta wordo diagnostica cu
cancer di prostaat mas cu hende homber rasa color blanco

Aunke cientificonan no por compronde dicon cancer di prostaat su indice y su “rating” di morto
ta hopi mas halto den homber color scur. Ta ampliamente conoci cu e combinacion di e
diferencianan genetico, nos modo di biba y habitonan di nutricion y e estadistica medico
ta hunga un rol.

Conoce bo historia familiar
Algun cancer incluyendo cancer di prostaat ta aparece den famia.
Si bo tin un familiar di 1⁰grado – un tata – welo, omo of ruman, kendenan tabatin cancer di prostaat,
bo chens di hay’e ta dobel. Comparti  bo informacion cu bo dokter pa por determina ki tempo/dia bo
por cuminsa cu bo screening anual

Mantene un dieta saludabel
Un  dieta abou na vet cu mas di 5 porcion di fruta y berdura ta considera di ta saludabel.
Pensamento actual ta cu un dieta saludabel pa curason cu control di caloria tambe por yuda preveni
hopi tipo di cancer. Estudionan a mustra cu antioxidante, manera “sulphorophane” haya den
broccoli ta actua manera un spons, e ta limpia tur e moleculenan cu por causa cancer di prostaat.
Juice di granatapel tambe ta contene antioxidante cu por yuda preveni  e influencia di e malesa aki.

Evita carni hasa riba carbon
Esaki ta un hecho asombroso. Moleculenan cu ta causa cancer similar na esun haya den huma di
sigaria ta aparece den carni hasa riba carbon.
Nan ta acumula den e prostaat y mescos cu e sigaria su huma ta conduci na cancer di pulmon.
Nan por interferi cu e proceso normal di DNA,creando cambionan cu por contribui na formacion
di cancer di prostaat.
Cambia modo di hasa carni por reduci e riesgonan. Considera lora e carni den foil prome cu grill esaki
y bira e carni hopi biaha ta minimalisa e kimamento di e carni carbonisa.
Marina e carni tambe por preveni carbonisacion. Si esaki sosode kita mas hopi cu ta posibel e parti
kima prome cu come. E tiki cambionan aki por minimalisa di haci daño na bo salud y di bo famia.

Lanta ariba y move
Incorpora algun forma di ehercicio pa 30 minuut y por lo menos 3x pa siman, ta esencial pa mantene
bo curpa sano. Y tambe ta yuda reduci e probabilidad di desaroya cancer di prostaat.
Estudionan ta demostra cu hende homber cu tin sobrepeso y tin nivel di insulina hopi halto ora nan wordo diagnostica cu cancer di prostaat, nan ta core e riesgo di muri di esaki tambe.
Prome cu bo cuminsa cu un programa di ehercicio, papia cu bo dokter cua ta e miho manera pa
incorpora maneho di peso y strategianan di ehercicio.

Homber lanta! Bay haci bo screening anual.
Si detecta e cancer di prostaat na tempo, bo por cura.
Hopi biaha e no ta mustra sintomanan. P’esey ta hopi importante pa hende homber di rasa color scur
tin un plan proactivo. Recomendacion ta pa haci bo screening basa riba bo historia familiar y bo
estadistica di salud. Detecta trempan y cu tratamento e 5 aña di sobrevivencia ta mas cu 95%.
Asina ta : “LANTA ARIBA HOMBER, SCHEDULE BO SCREENING DI PROSTAAT AWE MES “

Papia di dje
Cuestion di salud di hende homber, specialmente esun cu ta afecta e organo sexual, por ta taboe
y un combersacion no bon bini.
P’esey e ta asina importante pa conecta cu bo famia, amigonan y coleganan pa papia tocante e
importancia di detecta cancer di prostaat na tempo. No bari e malesa aki bou di tapijt.
Door di discuti esaki cu otro bo por conscientisa otro di e malesa aki cu ta afecta homber color scur
mas cu otro rasa. Papia tocante cancer di prostaat – bo por ta salbando bida – kisas hasta di bo.

Nos hende homber ta manera baby ora yega e momento pa bay dokter.
Nos ta pensa cu nos ta invisibel. Pero ami por conta bo, mi tabata spanta
ora mi a tende cu mi tin cancer di prostaat. Realidad ta cu nos hende homber
color scur tin cu enfrenta esaki. Ami tabatin suerte – resultado di mi biopsia
tabata negativo. Si detecta y trata esaki trempan por salba bida. Join nos.
Busca e datonan, saca e palabranan for di bo boca
D.L. Hugley, comediante y actor

Esaki ta un bataya cu nos por gana. Desde cu mi amigo
“Uncle” Charlie a wordo diagnostica, mi a siña con e cancer
aki por afecta nos comunidad.
Rumannan y tur homber – educa bo mes – papia cu otro
tocante e malesa aki! Pas’e di boca pa boca.
Snoop Dogg, artista di grabacion

Posted in: Uncategorized