Cancer di Testiculo

Cancer di Testiculo

Cancer di testiculo ta masha raro mes.
Toch, e ta e cancer mas comun haya den hende homber entre 15 pa 40 aña.
Mayoria di e casonan di cancer di testiculo por cura.
Hopi biaha no tin efectonan riba termino largo den funcionamento sexual of di bira tata den futuro.
E causa no ta bon entendi.
E factor di riesgo mas importante cu sa ta cu mester tabatin un testiculo cu no a move den e scrotum
( sac’i bala) prome cu bo tabatin edad pa bay scol (asina yama testiculo cu no a baha).
Pero hopi hende homber cu desaroya cancer di testiculo, no tin e factor di riesgo aki.

Kico ta e sintomanan di cancer di testiculo?
E prome señal di e cancer aki ta facil pa haya. Un di e testiculonan tin un pipita /conopi of bo ta sintie mas largo of mas duro cu e otro.
Algun homber no tin dolor ni ta sinti nan mes incomodo. Otro ta sinti un dolor leve den e abdomen parti abou, lomba of lies of ta sinti un poco pisa den e scrotum.

Kico mi por haci?
Pone atencion na cualke cambio den bo testiculonan. Ta facil pa check nan despues di un baño di awa lauw, ora cu e cuero scrotal ta mas relaha.

Lora cada testiculo entre e duim y e dedenan di tur dos man. Si bo ripara cu un ta mas largo of mas duro cu e otro of si bo sinti cualke pipita/conopi (hincha), bo mester bay dokter mas lihe posibel.
Kisas e no ta cancer, pero ta solamente e dokter por diagnostica esaki.

Tratamento ta exitoso si e cancer di testiculo wordo detecta na tempo y trata di biaha of mesora.

Tratamento
Usualmente operacion ta e miho tratamento y den cierto caso e por wordo acompaña cu radioterapia (bestraling) of kimoterapia.

Hechonan general di cancer pa hende homber hoben.
Hopi hende homber den nan trayecto di bida lo desaroya algun tipo di cancer.
Hopi cancer di adultonan por wordo preveni door di evita tabaco, come mas fruta y berdura, mantene un peso saludabel y ta activo fisicamente.

WKF ta un fundacion basa riba boluntarionan dedica na conscientisa tocante cancer como un
problema mas grandi di salud door di prevencion salba bida, y disminui sufrimento ocasiona
door di cancer, door di haci investigacionnan, educa y brinda servicio.

No ta importa ken bo ta, nos por yuda.

Tuma contacto cu nos na cualke momento pa informacion y sosten/apoyo.

Wilhelmina Kanker Fonds
tel.: 5820412

Posted in: Uncategorized