Cancer ta curabel si descubrie na tempo

Nuebe motibo pa bai docter.

Cancer ta curabel … si descubrie na tempo. 

Tur hende sa nota cambio na nan curpa cu no ta normal. Tin ora algo ta aparece y no ta bay of e ta keda reparece regularmente. Ta miho e ora ei pa bo bishita un docter. Esaki sigur ta recomendabel si ta trata di un, of mas di nuebe señalnan/sintomanan di cancer, indica den e articulo aki. Nos tur sa cu cancer ta curabel si descubrie na tempo.

1.Cuanto tempo bo ta hurs caba y/of tin e tosamento ei?

man-coughing
Keda hurs of un tosamento persistente, principalmente cerca e humadornan , ta algo cu mester pone atencion na dje mas ainda si tin sanger den e slijm.

2. Aparicion di un fret of un moedervlek.

E fret of moedervlek por ta nobo of un cu bo tawata tin caba cu ta mustra señal di cambio. Cu cambio ta referi na crecemento, sangramento, iritacion, cambio di color, grawatamento persistente. Laga bo docter samina e fret of moedervlek cu a aparece of cu mustra cambio.

3. No neglisha un herida of iritacion. 

Si un herida tarda pa cura of ta reaparece, bisa bo docter di cas.

4. Cambio den baimento af. 

Cada persona tin un patronchi diferente cu baimento di af. Si bin un cambio den esaki, por ehempel, diarea persistente cu frecuencia, barica sera, slijm of sanger den af, ta bon pa bai bo docter di cas.

5. E peso ta baha sin motibo.

Perdemento di peso sin ningun motibo, sin haci dieta, sin cu bo ta haciendo mas ehercicio etc., cu normal. Duna atencion na esaki y bishita bo docter di cas.

6. Regla iregular for di tempo, machamento, slijm cu sanger. 

Aki por ta trata di un poco sanger despues di relacion seksual, mancha of wak bo regla prome cu ta dia, sangramento despues di menopausa of mas fluho vaginal cu normal. No tarda pa bai docter su bo tin un of mas di e señalnan aki.

7. No por guli bon. 

voice-swallowing-uams1
Dolor ora di guli? Dolor ora di bebe bebida  alcoholico, bebe of come algo zuur? Bo ta sinti como sifuera e cuminda a keda pega den bo garganta ? Cuanto tempo bo ta sinti esei caba? Pone bo docter di cas na altura di esaki.

8. Ora bo ta sinti un pipita/bolita bai bo docter mesora.

Un pipita of bolita por sali na pecho, pero tambe na otro parti di bo curpa. Mayoria biaha esaki nan no ta haci dolor. Tambe klier hincha bou brasa, na garganta, las of un testiculo hincha ta motibo pa bishita bo docter di cas mesora.

9. Problema cu orina of cambio den e orinamento.

Dificultad pa orina , orina cu mas frecuencia, dolor ora na momento di orina of sanger den orina.

Cu mayoria di e kehonan aki bo por warda un par di dia pa wak si nan ta bai di nan mes. Ora ta trata di puntonan 6, 8 y 9 ta recomendabel pa bai bo docter lo mas pronto posibel.

Doctor and patient.
Ora bo bai docter splica bon kico bo ta sinti of ta molestia bo cu ki frecuencia, ki ora y cuanto tempo caba. Mas bo docter sa , miho e por yuda bo.

Reduci bo posibilidad di haya cancer. Busca informacion y trece cambio den bo estilo di biba pa bo por preveni cancer. Bo salud ta den bo man…pakico lag’e bai.

Posted in: Uncategorized