Factornan di Cancer pa hende Homber

FACTORNAN DI CANCER PA HENDE HOMBER

E cancer cu mas ta afecta hende homber ta : cuero, prostaat, pulmon y tripa mayor (colon)

CANCER DI PROSTAAT:

Ken ta core riesgo?
E chens pa haya cancer di prostaat ta ora un homber su edad subi.
Dos di cada tres caso di prostaat ta cerca hombernan riba 65 aña. E rason te ainda ta desconoci.
Hende homber, rasa color scur, tin tendencia di desaroya e tipo di cancer aki mas cu e rasa blanco y
e chens ta 2 biaha mas grandi cu e lo fayece di esaki.
Si den famia tin un of mas persona cu cancer di prostaat, esaki ta aumenta e riesgo di desaroya esaki mescos cu come cumindanan rico na vet di animal.

E miho defensa: detecta na tempo
Por detecta cancer di prostaat den un fase hopi tempran door di haci un test di sanger PSA y un test digital rectal DRE. Papia cu bo dokter cual ta apto pa bo.
Bo dokter mester ofrece bo e PSA test di sanger y e DRE tur aña asina bo yega 50 aña.
Papia tocante e beneficionan y limitacionnan di e testnan p’asina bo tuma un decision.
Si abo ta un persona cu ta core riesgo halto di haya cancer di prostaat (si bo ta di rasa color scur of bo tata of ruman a haya esaki na edad jong), bo mester haci e testnan aki na edad di 45 aña.

CANCER DI PULMON:

Ken ta core riesgo?
Esun cu ta huma y tur esunnan cu ta relata na un malesa relaciona cu tabaco p.e. enfermedad di
curason, atake di curason y enfisema.
Humamento ta e causa di mas cu 80 % di cancer di pulmon.
Otro factornan di riesgo ta expone bo mes na radon y asbest, particularmente pa e humadonan.

E miho defensa : prevencion
Cancer di pulmon ta un di e poco cancernan cu por ser preveni, pasobra usualmente su causa ta
humamento. Si bo ta un humado, puntra bo dokter of nurse pa yuda bo renuncia.
Si bo amigonan y sernan keri ta humado, yuda nan renuncia.
Bo mester ayudo? Yama WKF na 5820412 y busca ayudo.

CANCER DI TRIPA:

Ken ta core riesgo ?
Mayoria di esunnan cu tin cancer di tripa (cancer di tripa y rectum) ta hendenan riba 50 aña.
Personanan cu un historia di e enfermedad aki sea personal of famia of esunnan cu a haya poliep
den e tripa of rectum of inflamacion door di bo af, tin mas riesgo cu e populacion general.
Cumindanan rico /satura di vet de animal , tin sobrepeso, huma, consumo pisa di alcohol  tambe ta incrementa e riesgo di e malesa aki.

E miho defensa : prevencion y deteccion tempran
Mayoria bes cancer di tripa ta cuminsa cu un poliep. Haci test por scapa bo bida door di descubri e
poliepnan, prome cu nan bira canceroso.
Si kita e poliepnan pre-canceroso, cancer di tripa por wordo preveni.
Un dieta abou den vet pero rico na fruta y berdura tambe por baha e riesgo di cancer di tripa.
WKF ta recomenda un di e cinco testnan akibou pa tur hende cu tin 50 aña.

  • Anualmente un test di sanger (fecal) FOBT of test di fecal inmunologicoFIT
  • Cada cinco aña un sigmoidoscopy flexibel
  • Anualmente FOBT of FIT y sigmoidoscopy flexibel cada 5 aña (preferibel esaki cu e prome

dos opcionnan.

  • Dobel contrast barium enema cada 5 aña.
  • Colonoscopy cada 10 aña.

Bo dokter por yuda bo haci un bon decision cua ta e metodo mas adecua pa bo persona.
Si bo tin riesgo halto di haya cancer di tripa, papia cu bo dokter tocante e diferente testnan.

DESCUBRI CANCER TEMPRAN

Por salba bo bida mañan

CANCER DI CUERO :

Ken ta core riesgo ?
Hendenan di rasa color blanco, specialmente esunnan di cabey blond of cora ta core riesgo halto di haya cancer di cuero mas cu esunnan di rasa color scur.
Aunke cu cualke persona cu keda hopi den solo ta core e riesgo aki.
Personanan cu tabatin miembronan di famia yega cu melanoma y esunnan cu a haya kemadura di solo severo na edad mas hoben ta core riesgo di haya e tipo di cancer aki.

E miho defensa: prevencion y deteccion tempran
Bo por preveni cancer di cuero door di evita keda den solo pa un periodo largo entre
10:00 a.m. pa 4:00 p.m.
Uza sombre cu rand hancho, camisa manga largo y bril di solo y uza un sunblock /sunscreen cu un factor di proteccion di solo SPF di 15 of mas halto y riba tur parti di bo curpa cu ta expone na solo. Proteha bo yiunan di solo y no laga nan haya kemadura di solo.
Samina bo cuero regularmente y haci un test di cuero durante bo checkup general di bo salud.

E MIHO DEFENSA CONTRA CANCER

Deteccion tempran – haya sa di e cancer prome cu e plama – ta duna bo chens pa haci algo tocante esaki.
Pone bo mes na altura di e tiponan di cancer y con pa preveni nan of detecta nan tempran.
Esaki por scapa bo bida.
WKF ta un fundacion basa riba boluntarionan dedica na conscientisa tocante cancer como
un di e problema mas grandi di salud door di prevencion , salba bida y disminui sufrimento
ocasiona door di cancer, door di haci investigacionnan, educa y brinda servicio.
No ta importa ken bo ta, nos por yuda.
Tuma contacto cu nos na cualke momento pa informacion y sosten/apoyo

Wilhelmina Kanker Fonds

tel. : 5820412

Posted in: Uncategorized