Pasonan positivo pa prepara pa tratamento.

Tuma pasonan positivo 

Un diagnostico di cancer por trece un ola di conflicto emocional: miedo, tristesa, rabia, y preocupacion cu tur loke bo a logra den bo bida diripiente ta ser menasa. Bo por ta experenciando e mesun tipo di sentimentonan.

Un bon manera pa acerca/deal cu bo diagnostico ta cu bo mester adopta medidanan positivo pa prepara bo mes pa un tratamento. Cancer ta reta emocionalmente y fisicamente , pero abo bo haya apoyo cada paso den bo caminda. Tuma medida pa compronde bo tratamento ta e prome paso positivo pa sinti bo bon den futuro.

Nos ta spera cu bo ta haya e informacion aki util pa identifica fuente di forsa ora bo tuma e prome paso den e lucha contra cancer.

Lista di palabra

E lista di palabra aki ta diseña pa yuda bo compronde algun termino clave cu bo ta haya den e articulo aki y otro material cu por surgi durante e tratamento y discusionnan cu e ekipo medico.

Terapia adjuvante: Tratamento adicional pa aumenta e eficaci di e prome tratamento, come den e kimoterapia despues di e operacion.

Alopecia: Caida di cabey

Anemia : Tin poco globulo cora (rode bloedlichaampjes), cu ta haci cu e pashent ta sinti perdida di forsa y energia. Sintomanan ta inclui cansancio, debilidad y dificultad pa hala rosea.

Biopsia: Cirugia realisa pa extripa e tehido pa e examen cu e fin di determina si e cancer ta presente.

Carnicoma: Cancer cu ta cuminsa den e tehido.

Catheter: Un tubo fini flexibel na unda e likido ta drenta y sali for di e curpa.

Infusion: Pasamento poco poco intravenosa (den bo venanan) di medicamento of likido.

Hangua : Uzo di un hangua pa pusha likido ta drenta y sali for di e curpa.

Intravenoso : Den un vaso sanguineo.

Maligno: Un termino uza pa describi un tumor canceroso.

Melanoma: Cancer cu ta cuminsa den e cuero.

Metastasis: Cancer cu ta cuminsa den e cuero.

Nausea: Sensacion di malestar di stoma aversion pa alimentacion y gana di saca.

Cancer primario: E zona of e organo den e curpa na unda e cancer a cuminsa.

Protocol: Un plan formal pa e tratamento.

Remision: Un etapa temporal of permanente, ora e cancer no ta activo y sintomanan desaparece.

Factor di riesgo: Algo cu ta aumenta e probabilidad di un persona pa desaroya un malesa.

Scan of analisis: Un estudio cu rayo x pa produci imagen di organo interno.

Subcutaneo: Bou di cuero.

Transfusion: Administracion di sanger di un donante. Un procedimento realisa ora e recuento sanguineo di e pashent ta baha na un nivel hopi abou.

Tumor: Un masa abnormal di cel of tehido.

Vascular: E tin de haber cu e sistema di ader y arteria cu ta transporta sanger den e curpa.

E articulo aki ta crea pa yuda bo cuminsa compronde e tratamento di cancer y desaroya un plan di acción. E ta contene consehonan util pa guia general tocante con pa obtene informacion y tuma pasonan positivo den comprension di bo plan di tratamento personal.

Sigui lesa pa bo haya e informacion aki: 

  • Lista di palabra cu termino medico
  • Prepara pa cuminsa
  • Compronde tratamento contra cancer
  • Prepara pa tratamento
  • Recurso

Prepara pa cuminsa

Cera conoci cu e ekipo di atencion medico

Siña mas tocante e proceso di lucha contra cancer por yuda bo sinti bo mas comodo ora cu e tratamento cuminsa. Bo por yama e miembronan di e ekipo di atencion medico pa nan experticio medico a lo largo di e tratamento. Aki ta sigui un lista di profesionalnan clave cu por administra bo tratatmento. Si bo compronde nan rol e ta yuda bo figura ken bo tin cu puntra ora bo tin pregunta.

Ciruhano – ta opera pa kita e crecemento pa un diagnostico y tratamento di cancer

Medico oncologo – ta trata tumornan solido y cancer den sanger uzando tratamento farmacologico y ta supervisa e atencion medico total

Oncologo radioterapeutico – ta trata cancer utilizando e terapia di x-ray di dosis halto

Nurse di oncologia of nure practicante di oncologia – ta provee cuida fisico, maneha diferente aspecto di tratamento di cancer y ta provee educacion di cancer

Trahado social di oncologia – ta ofrece apoyo emocional y ayudo practico pa biba cu cancer

Haci pregunta y sinti bo comodo cu bo plan di tratamento 

Compronde bo diagnostico y sea prepara pa maneha bo tratamento ta pasonan positivo pa sanacion. Sea sigur pa puntra e ekipo di atencion medico cualke pregunta cu bo por tin, por ehempel:

  • Cua ta e plan general pa mi tratamento? Cua ta e tratamento standard?
  • Ki tempo ta inicia e tratamento? Na unda mi ta wordo trata?
  • Ken ta bay ta e dokter cu ta coordina mi plan di tratamento?
  • Cua otro dokternan mi tin cu mira prome cu mi cuminsa cu mi tratamento?
  • Bo tin cualke informacion por escrito tocante mi diagnostico y e tratamento cu mi por consulta despues?
  • Ta existi ensayo clinico pa mi tipo di cancer?
  • Con mi por tuma contacto cu mi dokter despues di oranan di consulta ?
  • Con mi ta administra e informacion cu mi ta hayando tocante mi cuido di e diferente miembronan di mi ekipo di atencion medico?

*Ensayo clinico ta estudionan pa determina si un droga of tratamento ta uno efectivo pa combati cancer. Ensayo clinico por ofrece bo un tratamento cu de lo contrario no ta disponsibel pa bo.

Segundo opinion

Despues cu bo reuni cu e ekipo medico y e dokter ta recomenda bo un tipo di tratamento, bo por busca un segundo opinion di un otro dokter pa revisa bo caso. Un segundo opinion ta util pa confirma e tratamento inicial, sugeri otro opcion di tratamento y contesta pregunta tocante e tratamento cu nan a presenta na bo.

Bo tin cu sinti bo cu confiansa pa puntra bo dokter unda bo por bay pa un segundo opinion. Esaki ta un paso comun algun persona ta tuma como decision pa nan cuido.  Ta importante pa bo sinti bo comodo y sigur cu bo dokter y bo plan di tratamento.

Consehonan util

Bo tin hopi decision pa dilanti , y ta  dacil pa bo keda abruma, Aki ta sigui algun conseho cu ta yuda bo prepara pa e tratamento:

  • Tene un lista di pregunta y termino medico pa puntra bo dokter of nurse na bo siguiente bishita of yamada y tuma nota di nan contestanan.
  • Anota tur medicamento cu bo ta tumando, hiba un lista na tur bo citanan cu e dokternaan pa informa e ekipo di atencion medico.
  • Hiba un hende cu bo na bo cita cu dokter. Puntra bo compañe pa tuma nota pa yuda bo corda exactamente kico dokter a bisa en caso cu tin pregunt mas padilanti.
  • Busca informacion tocante e cancer pa medio di otro fuentenan confiabel.
  • Puntra e ekipo di atencion medico tocante gruponan di apoyo den bo area.
  • Tene un diario pa registra con bo ta sinti.  Comparti e informacion aki cu bo dokter of nurse.

Compronde tratamento di cancer 

Despues di a reuni cu ekipo medico y a cuminsa compila informacion, lo discuti diferente opcion di tratamento pa determina bo plan di accion cu bo dokter. Lo siguiente ta un descripcion breve di cierto opcion di tratamento, cu e dokter por recomenda basa riba e tipo y e etapa di bo cancer. Tin biaha un dokter ta recomenda mas cu un tratamento, referi hopi biaha como “terapia combina”.

Cirugia

Mayoria persona cu tin cancer lo tin un of otro tipo di cirugia. E obhetivo di e cirugia ta pa kita mas tanto posibel di e tumor canceroso. E cirugia ta hopi biaha un terapia di combinacion ora un pashent ta experimenta tambe kimoterapia y of radioterapia.

Radiacion

Radiacion ta elimina celula di cancer utilizando terapia di radiagrafia di dosis halto apunta directamente na unda e tumor ta situa of unda e cancer ta ubica den e curpa. Tratamento di radioterapia ta ser duna generalmente diariamente pa varios siman y cada tratamento por tuma hasta trinta minuut.

Kimoterapia 

Kimoterapia, hopi biaha yama “kimo” , ta e uzo di droga pa trata cancer den bo curpa. Kimoterapia por ser duna den forma oral (tableta, capsula of likido), of inyecta den un vena (vaso sanguineo: IV) of den un musculo (intramuscular: IM). Depende di e tipo di cancer , bo plan di tratamento di kimoterapia ta varia tambe y bo por ricibi terapia a base diaria, semanal of mensual.

Prepara pa tratamento

Despues di a discuti cu bo dokter bo plan di tratamento y compronde kico ta spera bo, bo por considera e pasonan positivo adicional aki.

Prepara pa tratamento

Despues di a discuti cu bo dokter bo plan di tratamento y compronde kico ta sera bo, bo por considera e pasonan positivo adicional aki.

Compronde e efectonan secundario

Depende di e tipo di tratamento bo lo experiencia efectonan secundario , incluso fatiga , anemia, nausea, sacamento y caida di cabey. Ta importante pa sa cu no ta tur hende ta sufri di tur e efectonan secundario aki. E nursenan ti oncologia por describi e efectonan secundario cu abo kisas lo experiencia y con bo por maneha nan y hasta evita nan.

Un di efectonan secundario mas comun ta anemia. Den e dianan cu ta sigui un sesion di tratamento, bo por sinti bo cansa y debil y bo por tin problema pa haci cosnan diario, manera subi trapi. Den algun caso, esaki ta temporario , pero pa hopi hende fatiga por continua. Esaki por ta señal di un condicion mas grave yama anemia. Yuda bo dokter yuda bo – discuti bo fatiga y puntra tocante anemia. Anemia por y tin cu ser trata. Mantene esaki den mente ora bo ta papia cu bo dokter tocante bo plan di tratamento.

Keda tuma pasonan positivo

Durante bo tratamento ta importante pa keda tuma pasonan positivo. Aki ta sigui algun tipo adicional:

  • Papia cu bo ekipo di asistencia medico tocante inclui otor practicamente den bo ekipo, manera un dietista of un sicologo.
  • Mantene un dieta sano. Siña come un diet rico na proteina y halto den alimento nutritivo manera keshi , carni sin vet, cereal (papa of cornflakes), lechi.
  • Tuma hopi likido , specialmente awa tur dia pa yuda bo curpa elimina toxico.
  • Pone prioridad na bo actividadnan. Purba di haci solamente e cosnan mas importante pa bo.

Segun cu bo ta progresa den bo tratamento, ta importante pa mantene liñanan di comunicacion habri cu bo dokter, nurse, famia y amigonan. Utiliza e fuentenan aki pa tuma pasonan positivo na caminda pa bo recuperacion. 

Leave a Reply

Your email address will not be published. Required fields are marked *