Ta Tempo pa siña di cancer di tripa.

Ta Tempo pa siña di cancer di tripa.

Bo no ta haci caso di loke bo curpa ta bisa ?

Kico ta cancer?

Normalmente e celnan den bo curpa ta crece,dividi y muri di un forma ordena.Durante e prome añanan di bida di un persona, e celnan ta dividi mas rapido te ora cu nan bira adulto. Despues di e proceso aki, celnan di mayoria di tehido solamente ta dividi pa reemplasa esnan cu ta gasta of pa sana heridanan. Di otro banda, celnan abnormal of celnan di cancer ta sigui crece y dividi.

 Prevenshon

Cancer di tripa, aunke e por ser preveni, ta un di e cancernan causante di mas morto na Mundo. Pa proteha bo mes y proteha esnan cu bo ta stima, sigui e siguiente recomendacionnan preventivo :

1. Check cu bo dokter si bo no tin ningun sintoma di cancer di tripa.Normalmente e tipo di cancer aki no ta causa sintomanan molestoso, sino te den fasenan avansa , e por causa diarea, constapitacion , kramnan abnormal , sangramento ora di bay af y perdida di peso

.2. Si bo ta mas grandi cu 50 aña , pidi pa un colonskopia.Estudionan ta mustra cu 1 for di cada 4 hende mas grandi cu 50 aña tin polip cu lo por origina cancer. Haciendo e test aki despues di 50 aña di edad ta un bon medida preventivo.

3. Mantene un dieta balansa.Cuminda rico den vet, colesterol y carni cora ta asocia cu riesgo halto di cancer na tripa. Di otro banda, cumindanan rico na fibra tin un efecto di proteccion.

4. Mantene un peso saludabel.Hende cu sobrepeso tin un riesgo mas halto pa desaroya cancer di tripa.

5. Practica deporta. Estudionan ta indica cu actividad fisico por reduci e riesgo pa cancer na tripa te cu 40%.

6. Sa e historia medico di bo famia.Un historia familiar di polip y cancer lo por aumenta e riesgo pa cancer di tripa.

7. Papia cu bo dokter tocante bo historia clinico.Un historia di polip of cancer of inflamacion na tripa ta uamenta e riesgo pa desaroya cancer na tripa.

8. No huma.Humamento tambe ta ensera un factor di riesgo pa cancer di tripa, principalmente pa motibo cu e huma inhala ta transporta substancianan cu ta dañino pa e tripa.

Diagnosis:

  • Sintomanan y deteccion na tempo
  • Sintomanan principal
  • Cambionan den custumbernan intertinal ( diarea of constipacion)
  • Presencia di sanger den sushi
  • Urgencia frecuente pa bay tualet
  • Perdida di peso sin ningun motibo valido
  • Dolor of inconfortabel abdominal (gas of kram)
  • Cansancio y debilidad
  • Hendenan cu sintoma cu ta parce cancer di tripa tin e necesidad pa bishia medico inmediatamente. Durante e bishita medico, dokter lo indica of haci testnan cu lo confirma of descarta presencia di un tumor.

Testnan

Dokter lo recomenda e siguiente testnan :

Un examen proctologico , consistiendo di evaluacion di e recto y e porcion final di e tripanan largo atraves di un saminacion digital y via di un rectosigmoidoscopia.

Un rectosigmoidoscopia ta utilisa un aparato via di cual ta visualisa e recto y e tripa.

Si dokter ta haña cu ta necesario , e lo pidi pa un otro examen :

Colonoscopia ta un test cu ta ser haci cu calmante , usando un tubo flexibel cu camera cu ta permiti visualisacion di parti paden dje tripa. E test aki ta permiti na eventual kitamentodi polipnan sin dolor , y tambe analisa di cualkier otro tumor detecta.

Detecion na tempo Detecion na tempo ta envolvi descubrimento di e existencia di cancer intestinal den un fase inicial , ora cu e por ser cura mediante cirugia. Den casonan mas avansa , semper tin e posibilidad pa cura, pero ta necesario pa hasi operacionnan mas complica y combina cu kimoterapia y/of radioterapia. Pues, loke ta clave pa exito den tratamento di cancer di tripa ta diagnostico na tempo.Con pa descubri cancer di tripa den su fasenan inicial ?

Tur individuo despues di nan 50 aña di edad mester haci un colonscopia pa deteccion di cancer di tripa. Hendenan cu un historia familiar of personal di cancer di tripa mester busca conseho medico.

Tratamento

Cirugia ta un tratamento primario pa cancer di tripa. den e proceso aki e porcion intestinal afecta ta sera saka for di e curpa. Despues di operacion , ta uza kimoterapia pa reduci e posibilidad cu e tumor ta crece bek (relapso). Ora cu e malesa a plama den e curpa (higra, pulmon of otro organonan) e posibilidad pa cirugia y cura ta baha.

Kico ta e futuro pa pashentnan cu cancer di tripa (colon y recto) ?

Cancer di tripa ta sigui di ta un causa importante di morto. Kitamento di poliponan den tripa ta yuda preveni esey, pero deteccion na tempo di cancer na tripa lo por mehora e posibilidad pa cura.

Remedinan nobo

Medicinan a evoluciona hopi e ultimo añanan y remedinan nobo a surgi pa tratamento di cancer di tripa. Uso di anticuerponan monoclonal ta ser describi door di oncologonan na Mundo como un di e adelantonan mas grandi di sciencia den e ultimo 30 aña. E motibo pa e tipo di exitacion aki ta e manera eficiente cu e anticuerponan monoclonal ey ta actua riba di tumor. Dokternan ta splica cu nan ta actua como ‘misilnan bou di tele-guia”, luchando solamente contra e celnan malo, destrui nan y/of controla nan desaroyo.

Un di e obhetivonan di kimoterapia ta provee comfortabilidad y miho calidad di bida pa e pashent. Banda di ser mesun eficiente cu un terapia intravenoso, kimoterapia oral ta un tratamento practico , permitiendo pashentnan pa gosa di mas tempo na cas cu nan famia y amigonan , ya cu baymento di hospital pa ricibi tratamento no ta necesario. Ademas , door di usa un tablet, no ta necesario pa usa hangua of pompnan , pues e ta bira un forma mas cumbiniente di tratamento.

Cancer di Tripa

Un bista rapido

  • Cancer di tripa ta un tumor maligno cu ta origina den e parti interno di e tripanan te na final.
  • Hendenan mas grandi cu 50 aña di edad ta mas na riesgo pa desaroya e tipa di cancer aki.
  • Un dieta saludabel y un bida salidabel ta e gran aliadonan den prevencion.
  • Factornan di riesgo serca cancer di tripa ta inclui herencia genetico, polipnan den tripa y inflamacion cronico na tripa.
  • Cualkier hende por haña polip cualkier momento den bida. e polipnan ey lo por bira cancer na tripa. Sacamento di polip for di den tripa por preveni cancer na tripa.
  • Tumornan na tripa , por lo general , ta crece di un forma silencioso. Sintomanan t’ey presente solamente ora cu e tumornan ta grandi y bon desaroya. Pues , cancer di tripa ta un malesa cu mester ser evita cu un diagnostico trempan.
  • E diagnostico di cancer di tripa por ser haci mediante un ‘barium enema’ pf mediante un colonoscopia y biopsia.
  • E tratamento di cancer di tripa ta depende di e localisacion, tamaño y grado di desaroyo dje tumor, mescos cu edad y status di salud di e pashent.
  • Cirugia ta e tratamento mas comun den caso di cancer di tripa.

Posted in: Uncategorized